Hierdie Sitrus Hoender resep is nog ‘n resep wat jy kan bylas by jou hoender geregte. Dis baie maklik om te maak en ook baie lekker!
Genoeg vir 4 mense
Bereiding: 10 min
Gaarmaak: 1 uur
Bestanddele:
4-6 hoenderporsies
sout en vars gemaalde peper
6 knoffelhuisies, gekneus
1 suurlemoen, in skyfies gesny
1 lemoen, in skyfies gesny
’n paar takkies vars tiemie
125 ml (½ k) hoenderaftreksel
Metode:
- Voorverhit die oond tot 180 °C.
- Geur die hoender met die sout en peper.
- Pak die hoender, knoffel, suurlemoen en lemoenskyfies in ’n oondbak.
- Druk die tiemie tussenin en giet die hoenderaftreksel oor.
- Bedek met foelie en bak 30 min. in die oond.
- Haal die foelie af, verhoog die temperatuur tot 200 °C en bak nog 30 min.
Sit voor saam met slaai of kapokaartappel.
Volgende Resep: Krispie Karamel Marsmellows