Dié resep is amper soos lasagne, maar in plek van pasta, gebruik jy skywe gaar aartappels.
Vleis Mengsel Bestanddele:
1 Ui, gekap
2 Knoffel huisies, fyn gekap
10 ml Olyfolie
10 ml Koljander
5 ml Komyn
45 ml Gekapte, vars oreganum
500 g Beesmaalvleis
60 ml Tamatiepasta
1 x 410 g Blik gekapte tamaties
Water
Sout, vars gemaalde swartpeper en suiker na smaak
Lasagne Bestanddele:
6 Middelslag-aartappels, gaar gekook en skille afgetrek
125 ml Room
3 ml Neutmuskaat
125 ml Gerasperde cheddarkaas
Vleis Mengsel Metode:
- Braai die ui en knoffel in die olie tot sag.
- Voeg die speserye by en braai tot geurig.
- Voeg die vleis by en braai bruin. Voeg die tamatiepasta en gekapte tamaties by.
- Maak die tamatie blik vol water en voeg by die vleis.
- Geur goed met sout, peper en ’n bietjie suiker en roer die oreganum deur.
- Laat prut vir sowat 20 minute tot geurig en effens verdik.
Lasagne Metode:
- Voorverhit oond tot 180°C en sny aartappels in skywe.
- Begin met ’n dun lagie vleis mengsel onder in ’n oondbak. Pak ’n laag aartappelskywe bo-op en skep nog ’n lagie vleis mengsel op.
- Herhaal die lae en eindig met ’n laag aartappels.
- Giet room oor en sprinkel neutmuskaat en kaas oor.
- Bak vir 30 minute.
Sit voor met ’n mengelslaai.
Die resep lewer ses porsies.
Volgende Resep: Rooibostee Gerookte Aartappels Slaai