(6 porsies)
Bestanddele:
12 eierwitte
280 g (335 ml) Strooisuiker
10 ml Vanielje-geursel
160 g (285 ml) Koekmeel, 3 keer gesif
250 ml Frambooskonfyt
Roomkaas Versiersel Bestanddele:
120 g Sagte botter
240 g Versiersuiker, gesif
230 g Roomkaas
250 g Frambose
100 ml heuning
Koek Metode:
- Verhit oond tot 160˚C.
- Klits eierwitte met elektriese menger tot sagte punte.
- Gooi strooisuiker geleidelik by en hou aan klits tot blink en styf.
- Klits vanielje by. Vou meel versigtig by met slaplemmes.
- Gooi mengsel in ongesmeerde 30 cm-losboompan.
- Bak vir 40 – 45 minute of tot buitekant goudbruin is en ‘n toetspen skoon uitkom.
- Haal uit oond en draai die pan onderstebo op afkoelrak. Laat afkoel.
- Gebruik ‘n slaplemmes en druk dit tussen die koek en die pan in. Sny dit versigtig los so na aan die pan as wat jy kan en keer versigtig uit.
- Sny koek met skerp mes horisontaal in twee helftes.
- Smeer konfyt op een helfte en plaas tweede helfte bo-op.
Versiersel Metode:
- Klits botter in elektriese menger tot lig en romerig, sowat 5 – 8 minute.
- Voeg versiersuiker en roomkaas by. Meng goed.
- Smeer aan kante van koek. Gooi bessies en heuning oor.
Volgende Resep: Sjokolade Olie Koek