Bestanddele:
1 Kg Aartappels
6 Rooibos teesakkies se tee blare
3 Eiergele
5 ml Droë mosterd poeier
Sap van halwe suurlemoen
Knypie Sout
750 ml Olie
4 Gerasperde knoffelhuisies
Vars gekapte kruie (bv. basilie, koljander, tiemie en roosmaryn)
125 ml Kappertjiesade
Metode:
- Kook aartappels met die skil aan en sny in halwes.
- Plaas rooibostee sakkies se teeblare in ‘n roker. As jy nie een het nie, voer ’n oondpan met foelie uit en gooi die rooibosteeblare bo-op.
- Plaas ’n afkoelrakkie bo-oor en stapel die aartappel-halwes daarop. Maak toe met deksel om rook binne te hou.
- Plaas oor matige hitte op ‘n stoof- of gas plaat en rook vir sowat 15 minute.
Mayonnaise Metode:
- Maak ‘n mengbak warm met sterk warm kraanwater, droog vinnig af en gooi drie eiergele in, klits tot lig en skuimerig met elektriese handmenger op hoog vir 3 minute.
- Voeg die mosterd, suurlemoensap en sout by.
- Klits weer op hoog vir 4 minute.
- Voeg olie stadig in ‘n dun stroompie by. Moenie haastig wees nie. Klits tot al die olie in is en lekker dik mayonnaise gevorm het.
- Meng by knoffelhuisies, asook gekapte kruie.
- Droog kappertjiesade (capers) met kombuispapier af.
- Diepbraai in warm olie.
- Meng kruie mayonnaise deur die gerookte aartappels.
- Strooi growwe swartpeper, nog gekapte kruie en bros gebraaide kappertjiesaad oor.
Bron: Kyknet Kokkedoor
Volgende Resep: Gevulde Aartappel met Oorskiet Braaivleis