Vir die lekkerste sneeu poeding resep probeer gerus hierdie een. Dis ideaal vir ‘n basaar poeding of net ‘n koue nagereg.
Bestanddele:
4 k Water
1 1/2 k Suiker
Sout
3 Hoogvol eetlepels maizina
4 Eierwitte (styf geklop)
1 t Wynsteensuur
1 t Suurlemoengeursel
Metode:
- Kook water, suiker en sout.
- Maak maizina aan met bietjie water en voeg by die kokende suikerwater.
- Verwyder van stoof en vou styfgeklopte eierwitte, wynsteensuur en geursel by.
- Plaas in yskas.
Sneeu Poeding nr.2
Bestanddele:
22.5 ml Gelatien
60 ml Water
250 ml Water
250 ml Suiker
60 ml Suurlemoensap
Skil van halwe suurlemoen
2 Eier witte
Metode:
- Sprinkel die gelatien oor die 60ml water en laat dit uitswel.
- Verhit die 250ml water tot dit begin prut, voeg die gelatien by en en roer tot dit smelt.
- Voeg die suiker, suurlemoensap en die skil van die suurlemoen by.
- Gooi die mengsel in ‘n groot bak en laat dit eenkant afkoel. Klits dit met ‘n klitser tot dit sponserig is en amper gestol het.
- Klits die eierwitte styf, voeg die gelatienmengsel by en vou dit liggies in.
- Sit die bak in die yskas tot gestol.
Volgende Resep: Pynappel Poeding