Hierdie hamburger tert resep is fantasties. Dit is so baie lekker dat jy dit tenminste een keer ‘n maand sal maak. Ek gebruik net 1 blikkie tamatie en uie smoor want ons is nie mal oor die smaak nie, maar dit is net genoeg vir ons en dit is perfek.
Hamburger Tert Bestanddele:
6 – 8 Hamburger broodrolletjies (Hang af hoe groot die rolletjies is)
500 g Maalvleis
1 Ui
5 ml Knoffel
Speserye (Barbeque, spice for mince, oxtail blokkie, enige van hierdie of wat jy verkies)
1 – 2 Blikkies tamatie- en uie smoor
1 liter Kaassous
1 k Gerasperde kaas
Metode:
- Sny die rolletjies deur die helfte.
- Pak onderste helfte in ‘n diep vuurvaste bak.
- Braai ui en maalvleis tot gaar.
- Geur met speserye.
- Bedek die broodjies met die blikkies tamatiesmoor.
- Sit gaar maalvleis bo-oor.
- Bedek met helfte van kaassous. Sien metode vir kaas sous onder!
- Sit ander helfte van broodjies bo-op.
- Bedek met orige kaassous en gerasperde kaas.
- Bak oop in oond teen 180 grade vir 20 minute.
Notas:
Metode vir kaassous:
Smelt 60 ml botter en voeg 60 ml koekmeel by. Meng tot pasta vorm. Voeg 400 ml melk by en roer aanhoudend. Voeg 150 g kaas by en roer tot die kaas gesmelt het.
Volgende Resep: Pizza Steak