Hierdie is ‘n maklike vla skywe resep wat jy vandag nog moet probeer. Nou hoef jy nie meer so duur by supermarkte vir dit te betaal nie.
Vla Skywe Bestanddele:
1 pak Cream crackers
1L Melk
250ml Wit suiker
60ml Botter/margarien
125ml Koekmeelblom
100ml Mielieblom
12.5ml Vlapoeier
2ml Sout
125ml Koue water
3 Eiers
5ml Vanieljegeursel
475ml Versiersuiker
25ml Kookwater
10ml Suurlemoensap
Metode:
- Pak beskuitjies in rye van 3 op boom vlakplat bak 30x23cm – lyne moet dwars lê.
- Mikrogolf melk, suiker en botter vir 10 min oop in ’n 2l bak by 100% krag tot kook punt – roer af en toe.
- Meng koekmeel, mielieblom, vlapoeier en sout.
- Klits koue water en eiers saam en maak meelmengsel daarmee aan.
- Klits bietjie van die kookmelkmengsel by meelmengsel en klits dan die meelmengsel by die res van die kookmelkmengsel.
- Mikrogolf die vulsel 7 min oop by 70% krag en klop elke 1.5min goed met draadklopper.
- Roer vanielje geursel by. Skep vulsel op beskuitjies en maak gelyk.
- Bedek met ‘n laag beskuitjies presies soos die onderste laag.
- Laat afkoel by kamer temperatuur en verkoel dan verder in die yskas.
- Sif die versiersuiker en maak aan met die kookwater en suurlemoensap.
- Bedek die boonste beskuitjies daarmee.
- Plaas in yskas om styf te word. Sny voor opdoening sodat elk die grootte van ‘n halwe creamcracker is.
Notas:
Bron: Suzette Strydom Bouwer